08 Jun Resolución do I Concurso de Debuxo e Fotografía “Océanos que unen”
Ana García Rivas “A beleza tamén é un proceso” – 1º premio da categoría de Procesos mariños-
Coincidindo coa celebración do Día Mundial dos Océanos, o Campus do Mar fai pública, hoxe día 8 de xuño, a resolución do I Concurso de Debuxo e Fotografía “Océanos que unen” que arrancaba o pasado mes de maio. Desde o Campus do Mar queremos salientar a calidade das obras presentadas e agradecer a todas as persoas participantes os seus contributos no certame. Tras reunirse o xurado, ditaminouse a seguinte resolución coas obras gañadoras nas diversas categorías.
No apartado de debuxo, a distribución dos premios foi:
Na categoría de 3-5 anos
1º Premio Carlos Traveso Pereira (4 anos)
2º Premio Mara Mariño Tato (5 anos)
3º Premio Alexandre Martínez Piñeiro (3 anos)
Carlos Traveso Pereira (4 anos) – 1º premio categoría 3-5 anos
Na categoría de 6-8 anos
1º Premio Dylan Simões Rúa (8 anos)
2º Premio Alejandro Vieites Freire (8 anos)
3º Premio Ian Suárez Pinho (6 anos)
Dylan Simoes Rúa (8 anos) – 1º premio categoría 6-8 anos
Na categoría de 9-12 anos
1º Premio Rita Álvarez Araújo (12 anos)
2º Premio Carlo Petrelli González (11 anos)
3º Premio Noelia Castro Sabariz (11 anos)
Rita Álvarez Araújo (12 anos) – 1º premio categoría 9-12 anos
No apartado de debuxo, estaban estipulados os seguintes premios para cada unha das categorías de idade:
Primeiro Premio: Certificado de embaixador/a infantil do Campus do Mar, impresión do debuxo gañador en artigos de merchandising do Campus do Mar e agasallo de temática mariña.
Segundo Premio: Mención de honra e agasallo de temática mariña.
Terceiro Premio: Mención de honra e agasallo de temática mariña.
Así mesmo todos os gañadores gozarán dunha visita (acompañados por unha persoa adulta) á estación de Ciencias Mariñas de Toralla e entrega dun kit de agasallos do Campus do Mar.
No ámbito da fotografía sinalar que estaban establecidas as seguintes temáticas: Procesos mariños, Biodiversidade, O mar como fonte de recursos e economía azul, e O mar como lugar de unión e reunión. Para a franxa de idade entre 12 e 16 anos, o xurado, atendendo ao número de obras presentadas, decidiu entregar un único premio agrupando todas as categorías. O premio recaeu no traballo presentado por Joaquin Moreiras DaCosta.
Joaquín Moreiras DaCosta “Procesos mariños” – Premio para o grupo de idade 12-16 anos –
Para a franxa etaria de máis de 16 anos, a resolución do xurado foi a seguinte:
No apartado de “Procesos mariños” resultou seleccionada co primeiro premio, Ana García Rivas coa obra titulada A beleza tamén é un proceso e que publicamos como imaxe principal.
Na categoría de “Biodiversidade”, foi galardoada a obra Vida submarina presentada por Cristina García Fernández.
Cristina García Fernández “Vida submarina” – 1º premio da categoría – Biodiversidade-
A obra Para comer hai que dobrar o lombo de Pancracio Eguren Lages, resultou a gañadora no apartado “O mar como fonte de recursos e economía azul”.
Pancracio Eguren Lages “Para comer hai que dobrar o lombo” – 1º premio da categoría – O mar coma fonte de recursos e economía azul-
Por último, no apartado de “O mar como lugar de unión e reunión”, a obra seleccionada foi Lecer de Ana Gamallo Costas.
Ana Gamallo Costas “Lecer” 1º premio da categoría – O mar como lugar de unión e reunión-Nesta categoría, cada unha das persoas gañadoras recibirá como premio un paseo en veleiro pola costa galega para dúas persoas.
Reiterar novamente o noso agradecemento pola vosa participación.
