14 Sep Déixanos Fernando Fraga, pioneiro da oceanografía e impulsor do Campus do Mar

O científico Fernando Fraga Rodríguez (Santiago de Compostela, 1922) faleceu o pasado sábado na súa casa de Nigrán aos 98 anos. Titular dende 1953 no actual Instituto de Investigacións Mariñas (IIM) do CSIC, con sede en Vigo, é considerado un dos pioneiros da oceanografía galega, española e mundial. Dende 1987 foi membro permanente da Real Academia Galega de Ciencias. Dedicou toda a súa vida adulta a descubrir os segredos que gardaba o mar dende unha perspectiva científica. Sempre se declarou amante do seu traballo: unha vez retirado, mantivo a mesma actividade investigadora.

Fernando Fraga foi un dos defensores da creación do Campus de Excelencia Internacional do Mar e sempre avogou que o financiamento da investigación fora constante no tempo. Dende o Campus do Mar sumámonos o seu recordo.

Fonte: Faro de Vigo