30 May O ICMAN-CSIC proba na Antártida unha nova ferramenta para a recollida de mostras de auga con drones

Investigadores do proxecto PiMetAn, pertencentes ao  Instituto de Ciencias Marinas de Andalucía (ICMAN-CSIC)  estrearon na Antártida con éxito un novo sistema que, transportado dende un dron permite a recollida de mostras de augas superficiais.

Mediante este sistema levouse a cabo na Isla Decepción a caracterización dos niveis de elementos traza disoltos nas augas superficiais adxacentes a dous das principais colonias de pingüín barbixo (Morro Baily e Collado Vapor) e no Crater Lake, designado como zona protexida polos seus valores botánicos e ecolóxicos.

Os métodos tradicionais de recollida de mostras de augas implican a recollida manual dende a beira, ou diferentes técnicas de mostreo con dispositivos empregados dende embarcacións, implicando múltiples cuestións loxísticas, organizativas e de persoal encargado.

Ademais, os estudos de metais traza, como ferro, cobre, cinc coñecidos como esenciais, ou os considerado tóxicos como chumbo e cadmio, supoñen un reto adicional.  Debido as súas baixas concentracións nas augas mariñas a contaminación das mostras foro historicamente o principal obstáculo para a cuantificación fiable.

Neste estudio, presentase a aplicación dun novo sistema de recollida de augas superficiais, a Automatic Water Autosampler (AWA) (fabricada pola empresa española Dronetools). O sistema AWA consta dunha bomba peristáltica, un filtro, un vaso colector e diferentes sensores, que operado dende un dron permite a recollida de mostras de auga in-situ, así como a medida de parámetros físico-químicos (como temperatura e a salinidade, entre outros).

“Con este novidoso sistema púidose alcanzar zonas costeiras y áreas inaccesibles, perigosas ou protexidas na Antártida e sendo menos intrusiva para a flora e a fauna locais”, afirma a investigadora Erica Spavarenti, da ICMAN/CSIC.

Este estudio realizouse no marco do proxecto “PiMetAn”, un proxecto polar que conta cun equipo científico multidisciplinar composto por doutores en Ciencias do Mar e Ambientais, Química, Bioloxía e Xeoloxía.

Os investigadores pertencen a diferentes institucións nacionais entre as que se inclúen o Consello Superior de Investigacións Científicas (CSIC), a Universidade de Cantabria (UNICAN), a Universidade de Cádiz (UCA) e o Instituto Español de Oceanografía (IEO). O obxectivo do proxecto é desvelar a papel que xogan os pingüíns no funcionamento ecolóxico da Antártida. PiMetAn está coordinado dende o ICMAN-CSIC.

Fonte: El Ágora Diario