O consorcio do BLUEBIOLAB celebra a 4ª reunión de seguimento do proxecto

O pasado luns 14 de xuño o Instituto de Acuicultura da Universidade de Santiago de Compostela acolleu a 4ª reunión de seguimento do laboratorio transfronteirizo de biotecnoloxía mariña BLUEBIOLAB, coordinado polo Campus do Mar da Universidade de Vigo.

O evento reuniu a 26 persoas pertencentes ó consorcio, composto por 7 entidades galegas e do norte de Portugal (Universidades de Vigo, A Coruña, Santiago e Minho, Instituto de Investigaciones Marinas – Consejo Superior de Investigaciones Científicas, Instituto Español de Oceanografía e Centro de Investigação Marinha e Ambiental – CIIMAR).

Cabe destacar que ata a data o consorcio organizou seis cursos de formación centrados nas tres liñas de investigación prioritarias do laboratorio (biotecnoloxía e acuicultura, uso de tecnoloxías ómicas  para a comprensión da biodiversidade mariña e a busca de biomateriais e compostos bioactivos), sumando máis de 48 horas de formación e 128 alumnos formados. Durante os últimos meses os investigadores do BLUEBIOLAB progresaron nos proxectos colaborativos e fixeron cinco mobilidades de investigadores entre institucións do consorcio.

O próximo mes de xullo, o Dr. Carlos A. Canchaya do grupo de filoxenómica e biomediciña da Universidade de Vigo, impartirá o curso “High-Throughput Sequencing Technologies (HTS): Posibilities, requirements, limitations and their applications in genomics and transcriptomics” de 14 h de formación e en setembro, o Centro de investigacións Avanzadas (CICA) da Universidade da Coruña, organizará o curso  “Determinación estructural avanzada” de 25 h de formación.

 

PROYECTO COFINANCIADO POR EL FONDO EUROPEO DE DESARROLLO REGIONAL FEDER EN EL MARCO DEL PROGRAMA INTERREG V ESPAÑA – PORTUGAL (POCTEP) 2014-2020

 



Web y subwebs financiadas por:

Proyecto financiado por el Ministerio de Educación en el marco del programa Campus de Excelencia Internacional y por el Ministerio de Economía y Competitividad, dentro del Plan Nacional de Investigación Científica, Desarrollo e Innovación Tecnológica.

X