Referencia internacional para o coñecemento dos océanos
O Campus do Mar (CDM), liderado pola Universidade de Vigo e promovido tamén polas universidades de Santiago de Compostela e A Coruña, o Consello Superior de Investigacións Científicas e o Instituto Español de Oceanografía, é un campus transfronteirizo que conta, ademais, coas universidades portuguesas de Aveiro, Minho, Porto, Coimbra e Trás os Montes e Alto Douro, os Institutos Politécnicos de Leiría, O Porto e Viana do Castelo que, xunto ás Plataformas e Centros Tecnolóxicos, agrega aos axentes investigadores e socioeconómicos da Eurorrexión Galicia-N de Portugal relacionados co ámbito mariño.
A agrupación de I+D do CDM agrega a máis de 3.000 investigadores pertencentes a 25 institucións, 1.400 doutores, que suman máis de 10.500 traballos de investigación publicados, máis de 600 teses doutorais e máis de 6.000 proxectos de investigación ao longo dos últimos cinco anos.
